Tentativave të njëpasnjeshme të Barcelonës për të transferuar Sergio Agueron në ‘’Camp Nou‘’ orët e fundit i është shtuar një pretendent shumë i njohur në kontinentin e vjetër.
Sipas të përditshmes britanike ‘’Daily Mail‘’ bëhet fjalë pikërisht për Chelsean drejtuesit e të cilit vazhdojnë të studiojnë imtësisht situatën e argjentinasit .
Eksperienca e 32 vjeçarit konsiderohet si një element shumë produktiv që do ti vinte në ndihmë skuadrës që do të ketë fatin ta përfshijë në organikën e saj sepse është një golashënues i lindur . Kësaj dysheje shumë të fortë si në anën ekonomike ashtu edhe në atë sportive i është bashkuar edhe interesi i Paris St Germain duke e bërë të ardhmen e sulmuesit të lindur në Buenos Aires më interesante .
Megjithatë edhe pse vlerat nga të cilat karakterizohet, mbeten të padiskutueshme, sezoni aktual nuk po rezulton një shoqërues i mirë për Sergio Agueron për arsye të dëmtimeve të njëpasnjëshme që e kanë mbajtur në të shumtat e ndeshjeve jashtë fushave të blerta, fakt që reflektohet qartazi me vetëm pesë prezenca si titullar në 14 ndeshje, ku ka gjetur rrugën e rrjetës në vetëm tre raste .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
