Presidenti i Komitetit Olimpik Kombëtar Shqiptar, Fidel Ylli thotë se tani nuk mund të luash më me Ronaldon apo Mullerin, por duhen lojtarë të rinj. Në emisionin “EuroZone” në MCN TV, Ylli ka thënë gjithashtu se për të arritur suksese nuk mund të mbështetesh vetëm te një lojtar, por duhet të luash në grup.
“Jam tifoz me Italinë. E kemi dashur Italinë në atë kohë kur nuk shikohej dot futboll. Tani ka ikur koha, nuk mund të vazhdosh më me Mullerin, apo Ronaldon, duhen lojtarë të rinj. Futbolli është bërë shumë i barabartë. Kanë hyrë skema të reja. Te Italia janë djem të rinj që luajnë në grup dhe bëjnë shumë mirë. Italia ka qe në 2006 që nuk merr trofe. Unë mendoj që edhe në vitet, ’78, ‘82, ‘86, nuk kishte lojtarë të huaj në Itali dhe të rinjtë kishin më shumë mundësi të promovoheshin në ekipin kombëtar. Mendoj që tani një skuadër italiane ka shumë lojtarë të huaj, talentet nuk kanë më shumë mundësi për t’u promovuar si më parë. Në një skuadër nuk mund të mbahesh dot vetëm në një yll, trajneri duhet të vendosë që çdo lojtari t’i marrë maksimumin.”, u shpreh Ylli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
