Interi ka marrë një fitore shumë të rëndësishme ditën e sotme, teksa ka mposhtur në shtëpi Shakhtar Donetsk me rezultatin 2-0.
Heroi i zikaltërve ishte Edin Dzeko, i cili realizoi të dy golat e sfidës, fillimisht në minutën e 61 dhe më pas në minutën e 67, pasi pjesa e parë ishte mbyllur me rrjeta të paprekura. Me këtë fitore Interi merr përkohësisht kryesimin në Grupin D me 10 pikë, 1 pikë më shumë se Real Madrid, që sfidon moldavët e Sheriff Tiraspol.
Fitore ka korrur edhe Ajax, që mposhti në transfertë Besiktas, duke regjistruar suksesin e pestë radhazi, në po kaq ndeshje. Ndonëse turqit e mbyllën pjesën e parë në avantazh falë golit të Ghezzal në minutën e 22-të, Ajax ia doli të përmbysë gjithçka në pjesën e dytë, duke shënuar dy herë me Haller, në minutat 54 dhe 69.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
