Rendimenti i shkëlqyer tek Barcelona prej disa sezonesh e ka rikompensuar Ronald Araujon me interesin e dy klubeve shumë të njohur në Angli .
Sipas ‘ Sport ‘ Chelsea dhe Liverpool gjatë gjithë kësaj kohe kanë mbajtur shënime mbi evolucionin e uruguajanit dhe kanë arritur në konkluzionin për qëndrimin e tij në ‘’ Camp Nou ‘’ . 22 vjeçari e ka menaxhuar shumë mirë presionin duke dhënë maksimumin në çdo ndeshje si titullar .
‘’ Blutë e Londrës ‘’ dhe ‘’ The Redsat ‘’ do të zhvillojnë në tjetër supersfidë në merkato por duhet theksuar se kontrata e Ronald Araujos me ‘’ Los Cules ‘’ mbetet e vlefshme deri në 30 qershorin e 2023- shit .
Megjithatë spanjollët do të mundohen ta pengojnë largimin e Ronald Araujos , çështje që po analizohet nga drejtori sportiv Mateu Alemany i cili ka kërkuar një mbledhje urgjente me agjentin e shtatlartit sepse ka filluar ta ndjejë kërcënimin e anglezëve për pilarin e mbrojtjes së Barcelonës.
Pavarësisht se problematikat ekonomike vijojnë të jenë prezente në përditshmërinë e ‘’ Blaugranëve ‘’, shpresa e Xavi Hernandez është që të vijojë ta llogarisë për prapavijën sepse Ronald Araujo është një lojtar me shumë vlera dhe parashikimet flasin se do të jetë një zëvëndësues ideal i Gerard Piques në të ardhmen .
Lojtari nga Rivera është shëndërruar në një garanci absolute për mbrojtjen e Barcelonës dhe gjatë këtij sezoni numëron 14 ndeshje dhe 1 gol të shoqëruara me një lojë bindëse dhe ideja e drejtuesve nga Katalunja është rinovimi i kontratës me mbrojtësin e kombëtares ‘’ Charrua ‘’ sepse konsiderohet i domosdoshëm për vijimësinë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
