Skuadra e Romës po shijon momente shumë të bukura me Jose Mouinhon . Portugezi mbetet një profil tepër motivues pa çka se periudha e fundit tek Tottenham Hotspuri shënoi një rënie në karrierë . Megjithatë rruga drejt triumfit e cila ndër vite e ka shoqëruar 58 vjeçarin pritet të shpaloset tek ‘’ Verdhekuqtë ‘’ .
Eksperiencën tek kryeqytetasit e ka nisur me nje avantazh shumë të madh që për hir të së vërtetës i krijon një privilegj më vete të quajturit ndryshe ‘’ The Special One ‘’ sepse lidhet me lirshmërinë e përzgjedhjes në merkato duke patur nga mbrapa suportin total të drejtuesve romanë .
Me këto fakte që natyrisht e motivojnë dhe ia bëjnë më të qartë rrugën në funksion të fuqizimit të Romës , Jose Mourinho ka spikatur mesfushorin Granit Xhaka . Italianet i kane ofruar ‘’ The Gunersave ‘’ 14 milionë euro plus 3 në rast të pëmbushjes së pritshmërive por Arsenali ka kërkuar 23 .
Indiciet për 28 vjecarin janë edhe më të freskëta duke marrë në konsideratë eksperiencën në Premier League me ‘’ Gjelat e Londrës ‘’ por sipas Soy Calcio lojtari i lindur në Bazel nuk ka dashur të komentojë mbi këtë çështje për arsye se është i fokusuar tek Europiani , eveniment në të cilin shpreson që Zvicra të thyejë parashikimet dhe të shkojë sa më larg :
“ Këto gjëra janë shumë normale . Të jesh i vlerësuar nga një prej trainerëve më të njohur në botë është një emocion i veçantë , por s’mendoj gjë tjetër veçse të jap maksimumin për Zvicrën dhe të bëjmë një performancë pozitive “ , ishin këto fjalët e Granit Xhakës që pritet të vendosë të ardhmen në përfundimin e këtij kompeticioni . Pa dyshim që rendimenti i dhënë nuk është shoqëruar ashtu siç duhet nga funksionimi total si një skuadër duke i pezulluar ndjeshëm ‘’ Topchinjtë ‘’ të cilët e kanë mbyllur çuditërisht sezonin si të 8-tët në Premier League . Kjo situatë normalisht që pritet të ndikojë në vendimarrjen e disa prej lojtarëve por njëkohësisht konceptohet si një përgjegjësi më vete për drejtuesit e londinezëve për ta ndryshuar gjatë merkatos .
45 ndeshjet e luajtura të cilave i është bashkangjitur shënimi i një goli pa harruar kontributin e dhënë janë një indikator që s’duhet harruar dhe duke iu referuar projektit ambicioz të deklaruar nga Jose Mourinho me marrjen e postit ndoshta do ti mbushet mendja për tu nisur drejt ‘’ Olimpicos ‘’ , aty ku për të kënaqësia do të ishte shumë e madhe sepse do ti nënshtrohej urdhërave të një prej figurave më të famshme të trainingut .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
