Spanja i ka dhënë fund rekordit të Italisë, me këta të fundit që shijojnë humbjen e parë pas plot 37 ndeshjeve. Iberikët e drejtuar nga Luis Enrique triumfuan me rezultatin 1-2 në gjysmëfinalen Ligës së Kombeve, duke u kualifikuar kështu në finale, aty ku do të përballen me fituesin e çiftit Belgjikë-Francë.
Spanja merr hak kështu ndaj Italisë, pas atij eliminimi në gjysmëfinalen e Europianit në verën që lamë pas. Për sa i përket ndeshjes së zhvilluar në “San Siro”, spanjollët iu falën dy golave të shënuar nga Ferran Torres në pjesën e parë në minutat 17 dhe 45+2.
Italianët nga minuta e 42-të, luajtën me 10 lojtarë, pasi mbrojtësi Leonardo Bonucci u ndëshkua me karton të kuq. Në pjesën e dytë Pellegrini shënoi për skuadrën e Mancinit në minutën e 83-të, por goli i tij kishte vetëm vlerë statistikore. Mbyllet kështu ecuria e gjatë prej 37 ndeshjesh pa humbje e Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
