Në mbështetje të Elseid Hysajt ka dalë edhe presidenti i FSHF-së, Armand Duka. Ky i fundit ka reaguar, për situatën e vështirë me të cilën po përballet mbrojtësi i Shqipërisë, të cilit i kanë dalë kundër ultrasit e Lazios, për shkak se këndoi “Bella Ciao”, këngë në mbështetje të lëvizjeve partizane.
Në postimin e bërë, Duka shpreh mbështetjen maksimale për shkodranin, duke thënë se është i bindur se vlerat e Hysajt do triumfojnë përballë dhunës verbale e idiologjike.
“I dashur Elsi,
Ti je dhe do të mbetesh jo vetëm një futbollist i mrekullueshëm, por edhe një personalitet i botës së futbollit. Fakti që ke kënduar një këngë, as e cenon e as i jep të drejtë askujt që të vër në dyshim personalitetin tënd.
Jam koshient se vlerat e tua do të triumfojnë përballë dhunës verbale e idiologjike, që nuk kanë asnjë lidhje me futbollin dhe vlerat e këtij sporti magjik.
Vazhdo puno e stërvitu, jep më të mirën tënde siç ke bërë gjithmonë. Ne të gjithë të duam e të mbështesim.”, shkruan Duka në postimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
