Sezonin e shkuar Atletico Madridi pati fatin e transferimit të një golashënuesi si pak të tillë në qarkullim . Luis Suarez rezultoi qershia mbi tortë për ‘’ Los Colchoneros ‘’ , atëherë kur më së shumti ndihej mungesa e një lojtari determinant në metrat e fundit .
Ecuria e madrilenëve i dha të drejtë drejtuesve sepse pas shumë vitesh u shpallën kampionë të La Ligas duke shkelmuar protagonizmin e Barcelonës dhe Real Madridit .Transferimi i uruguajanit në ‘’ Wanda Metropolitano ‘’ prodhoi disa prapaskena të pakëndshme të shoqëruara me disa deklarata të ‘’ El Pistoleros ‘’ kundër katalanasve por historia ka ndryshuar sepse 34 vjeçari ka shënuar rënie në ndeshjet e fundit dhe ‘’ Camp Nou ‘’ ja ka hapur derën prej kohësh .
Këtij lajmi i ka dhënë dritë gazetari i famshëm Ekrem Onur i cili nuk e përjashton se shumë shpejt rruga e Luis Suarez dhe Barcelonës mund të ribashkohet dhe tekniku Xavi Hernandez i ka dhënë ‘’ Ok ‘’ pa e menduar asnjë sekond sepse është i vetëdijshëm për revolucionin që mund të shkaktojë prezenca e ishi- të Liverpoolit në ofensivë .
Ndryshimi i vetëm në këtë histori do të ishte pretendimi i lojtarit të kombëtares ‘’ Charrua ‘’ që normalisht duhet të jetë më inferior se rroga e tij tek Barcelona dhe nëse gjithçka do të shkojë ashtu siç shpreson Joan Laporta pa diskutim do të ishte një ndër transferimet më pikante të merkatos .
Një aspekt favorizues për Luis Suarezin gjithmonë nëse do të vendosë për kuq e blutë është se e njeh me detaje këtë skuadër me të cilën ka shijuar trofe të rëndësishëm por do ti mungonin shumë dy shokët më të ngushtë si Neymar Junior dhe Lionel Messi , treshe që dominoi çdo mbrojtje kundërshtare në të kaluarën .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
