Portieri Jan Oblak ndodhet përpara një situate të vështirë sepse akoma nuk e ka vendosur të ardhmen . Me një kontratë deri në 30 qershorin e 2023- shit për Atleticon merkatoja verore konsiderohet një shans që s’duhet humbur sepse në të kundërt do të rrezikonin largimin e tij nga ‘’ Wanda Metropolitano ‘’ me parametër zero .
Fakti se ‘’ Los Colchoneros ‘’ ende nuk kanë arritur fundin e lumtur në lidhje me këtë çështje ka impulsuar Manchester United dhe Juventusin që kanë shpallur kandidaturën për Jan Oblak .
Klauzola e prishjes së kontratës së 28 vjeçarit arrin 100 milionë eurot , shifër e majme kjo për skuadrat respektive. E kaluara e afroi gardianin e spanjollëve me Paris St Germain por firmosja me Gianluigi Donnarumman e ka lënë të kënaqur Mauricio Pochettinon .
Gjithsesi shpresat e kampionëve në fuqi të La Ligas për të evituar largimin e Jan Oblak mbeten prezente por rendimenti i shkëlqyer i tij impulson aksionet e skuadrave përkaëese për t’ia rrëmbyer Atleticos .
Momentalisht kjo çështje konsiderohet në pikpyetje dhe zgjidhja e vetme mbetet merkatoja e verës .
Një faktor që e mundëson ndërrimin e ambjentit është të qënit pjesë e një skuadre historikisht të suksesshme , aty ku do të ketë shansin për të rritur cilësinë dhe sigurisht shtimin e trofeve në aspektin individual dhe kolektiv .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
