Victor Da Silva, ishte një nga largimet e rëndësishme te Vllaznia në këtë merkato vere. Pas diskutimeve, dy palët vendosën të mbyllin bashkëpunimin mes tyre dhe të mos rinovojnë kontratën.
Braziliani si lojtar i lirë që është, nuk ka vonuar shumë për të gjetur skuadrën e re. 27-vjeçari në sezonin e ri, do të jetë pjesë e Partizanit.
Palët kanë arritur marrëveshjen prej ditësh, por zyrtarizimi mungon, për shkak se lojtari ende nuk është në 100% të tij, për sa i përket gjendjes fizike.
Da Silva pësoi një dëmtim në finalen e Kupës dhe nuk është rikuperuar ende. Pikërisht për këtë arsye, drejtuesit e Partizanit duan që lojtari të jetë gati, për të zyrtarizuar më pas marrëveshjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
