Dëshirës së madhe të Real Madridit për Kylian Mbappe ka menduar t’ia prishë planet Liverpooli i cili mendon ta tentojë transferimin e francezit në ‘’ Anfield Road ‘’ .
‘’ Galaktikët ‘’ do të ndihen shumë në siklet me ‘’ The Redsat ‘’ pas dere pavarësisht se janë një hap përpara për 23 vjeçarin .
Gjatë kësaj kohe anglezët kanë menduar momentin e duhur për të sulmuar për perlën e Paris St Germain dhe sipas ‘ Daily Express ‘ kanë nisur negociatat me agjentin e tij për ta bindur të ndërrojë mendje dhe të zgjedhë Livepoolin.
Prej vitesh britanikët kanë zhvilluar një duel emocionues me ‘’ Los Merengues ‘’ dhe besohet se kësaj historie do ti vijë shumë shpejt fundi , pse jo me një verdikt ndryshe .
Strategjia e ndjekur nga drejtuesit ka të bëjë me komunikimin me njerëzit e afërt të Mbappes për ndryshimin e vendimarrjes dhe momentalisht gjithçka qëndron e hapur duke etiketuar ‘’ Les Pariziens ‘’ si humbës në këtë histori dhe gjigandët e Premier Leagues do të masin forcat me potencialin e Florentino Perezit , i cili e ka treguar gjithmonë se mund të bëjë çdo çmenduri për madrilenët.
Kampioni i botës është në një moment ideal në karrierë sepse në lojë janë objektiva madhorë dhe theksi vihet tek fitimi i Champions Leagues për të mbyllur eksperiencën në ‘’ Parque de Prince ‘’ me një sukses të ëndërruar prej vitesh e më pas të bëhet gati për të startuar një tjetër etapë , tek një ndër klubet më të suksesshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
