Sezoni i Barcelonës ka ndikuar negativisht tek një ndër lojtarët e saj . Francisco Trincao nuk ka mundur të demostrojë atë që di të bëjë më mirë në fushë . Aktivizimi i reduktuar e ka penalizuar progresin e 21 vjeçarit. 3 gola dhe 2 asiste në 40 ndeshjet me ‘’ Blaugranët ‘’ nuk kanë qënë të mjaftueshme për sulmuesin për të bindur Ronald Koeman . Loja në përgjithësi ka çeduar sepse e ka humbur efikasitetin dhe nuk është adaptuar në skemat e hollandezit .
Këmbanat e alarmit kanë filluar të bien dhe interesi për Trincaon nuk ka munguar . Në të kaluarën Juventusi dhe Atalanta trokitën në derën e Barcelonës por ‘’ Los Cules ‘’ i mbyllën derën me një ‘’ jo’’ absolute . Sipas Sport agjenti Jorge Mendes është kontaktuar përsëri nga klube të Serisë A për klientin e tij . Tanimë Roma dhe Milani kanë hedhur kandidaturën për lojtarin nga Viana do Castelo .
Sipas Calciomercatos kuqezinjtë e shohin si zëvëndësuesin e Samu Castillejos sidomos pas komplikimeve të hasura me Lucas Vazquezin . Ndërsa në lidhje me ‘’ Verdhekuqtë ‘’ Francisco Trincao pëlqehet shumë nga bashkombasi Jose Mourinho , dhe fakti se marrëdhëniet ndërmjet tyre janë të shkëlqyera mund të përshpejtojë kalimin e talentit në ‘’ Olimpico ‘’. Analizat e spanjollëve janë bërë me shumë përgjegjësi dhe kanë konkluduar mundësinë e një huazimi për talentin e tyre .
Kontrata e Francisco Trincaos me kuq e blutë merr fund në 2025 -sën por Barcelona nuk e përjashton faktin se nëse oferta për këtë lojtar është në nivelin e pritur mund ta pranojnë. Sipas Transfermarkt vlera e kartonit të ishit të Bragas nuk i kalon 25 milionë eurot dhe Roma me Milanin janë në pritje për arritjen e akordit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
