Sulmuesi i Kosovës, Vedat Muriqi, ka konfirmuar se po kalon një moment të mirë. Futbollisti ka gjetur rrugën e rrjetës me skuadrën e Mallorca në kampionat, ndaj Real Madrid në “Santiago Bernabeu”.
Muriqi i dha avantazhin skuadrës së tij në minutën e 35-të, duke shënuar një gol të bukur. Megjithatë madrilenët, ia dolën të përmbysin rezultatin, duke shënuar plot katër herë.
Valverde në minutën e 48, Vinicius në minutën e 72, Rodrygo në minutën e 89 dhe Rudiger në minutën e 93, vulosën shifrat në 4-1 për Real Madrid.
Kjo është fitorja e pestë radhazi në po kaq ndeshje për madrilenët, që e shohin veten në krye me 15 pikë, 2 pikë më shumë se ndjekësit e Barcelonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
