Sezoni shumë i mirë i Alexander Sorloth tek Villareali është pasuar me interesin e një klubi të famshëm në Serinë A.
Bëhet fjalë për Romën, me shumë traditë sidomos në kampionatin italian, lajm i raportuar nga ‘ SkyItalia ‘.
Tek ‘’ Nëndetësja e Verdhë ‘’ norvegjezi ka treguar se mbetet një ndër sulmuesit më të rrezikshëm në qarkullim, potencial që e ka reflektuar me 26 gola në 40 sfida.
Paraprakisht drejtuesit e ekipit nga Castellon i kanë bërë llogaritë, të cilët kanë përcaktuar 38 milionë euro për ta lënë të lirë golashënuesin, shifër që përbën një sfidë për kryeqytetasit.
Mënyra e lojës së 28 vjeçarit ka rezultuar impresionuese, e kompletuar me aspektin fizik dhe efikasitetin përpara portës, fakte që e bëjnë një lojtar për tu marrë në konsideratë.
Drejtuesit e Villarealit janë të ndergjegjshëm për rëndësinë e Alexander Sorloth në metrat e fundit por gjithsesi kostoja e përcaktuar mund të rezultojë një barrierë për ‘’ Verdhekuqtë ‘’.
Nëse do të ketë sukses me transferimin e ishi-t të Real Sociedadit në të famshmin ‘’ Olimpico ‘’, Roma do të konsiderohej një ekip edhe më i rrezikshëm për sezonet vijuese, duke qenë se ky i fundit ka lënë gjurmë në La Liga, fillimisht me ‘’ Los Txiuriurdines ‘’ dhe tanimë nën urdhërat e trainerit Marcelino Garcia Toral.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
