Penalltia e dhënë nga gjyqtari Enea Jorgji në ndeshjen Partizani-Vllaznia, e cila mjaftoi për t’i dhënë fitoren skuadrës shkodrane dhe të rrezikojë seriozisht të kuqtë në garën për titull, është cilësuar nga këta të fundit si e dyshimtë. Gazetari i sportit në MCN, Edi Hajdini tha se Partizani pritet t’i drejtohet Prokurorisë për denoncim.
“Kam qenë në komunikim me drejtuesit e Partizanit dhe ata ende nuk kanë një qëndrim zyrtar, por nga informacionet që kam, Partizani do të ndjekë të njëjtën procedurë që bëri me arbitrin Kridens Meta. Vendimi i gjyqtarit Enea Jorgjit ka shpërdoruar një sezon të tërë të Partizanit. Pritet që hapi i parë i Partizanit është që të shkojnë në prokurori për të denoncuar”, tha Hajdini.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
