Projekti ambicioz i Newcastle United po e rrit shpresën çdo ditë në ‘’ St James Park ‘’ dhe potenciali i Al- Rumayyan pritet të shfaqet edhe në verën e ardhshme .
Janari u konsiderua një periudhë shumë e rëndësishme ku theksi u vu tek qëndrimi në Premier League dhe aktualisht bardhezinjtë janë në një pozicion për të cilin nuk duhet të shqetësohen shumë .
Miliarderi arab po i bën me qetësi llogaritë dhe i është rikthyer interesit për Darwin Nunez , një sulmues shumë potent që po bën bujë në kontinentin e vjetër.
Anglezët janë maksimalisht të përqëndruar pasi çdo ndeshje konsiderohet një finale dhe Eddie Howe e ka shfrytëzuar totalisht mbështetjen e presidencës duke i dhuruar tre piksha jetikë britanikëve.
Por sipas ‘ The Sun ‘ , Al – Rumayyan ka bërë gati 110 milionë euro për 22 vjeçarin që mund të shëndërrohet në blerjen më të shtrenjtë në historinë e klubit .
Dëshira e Newcastle është shumë e madhe por nga ana tjetër Benfica gëzon prezencën e një ndër sulmuesve më produktivë të Europës , për të cilin s’mendohet se do të dorëzohet lehtë .
Përpos investimit , projekti i Newcastle mund të përfundojë duke e bindur uruguajanin që e meriton të bëhet pjesë e një ekipi që aspiron për trofe dhe ky moment konsiderohet kyç për të ardhmen e ishi-t të Almerias .
Disa klube janë afruar me Darwin Nunez së fundmi por diferenca është e dukshme sepse Newcastle është klubi më i pasur i planetit dhe një kërcënim real për çdo rival gjatë merkatos.
25 gola në 32 sfida e kanë shëndërruar shtatlartin një ferr në metrat e fundit dhe ky klub nuk ka asnjë dyshim se me talentin e kombëtares ‘’ Charrua ‘’ sulmi mund të pësojë përmirësime pasi objektivi kryesor është ti afrohen gjigandëve të Premier Leagues dhe të arrijnë sa më shpejtë Europën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
