Pas tërheqjes nga blerja e Jude Bellingham për arsye të peticionit të Borussia Dortmundit, Liverpooli e ka gjetur lojtarin e duhur për mesfushën.
Ky repart ndër vite konsiderohet më difektozi dhe Jurgen Klopp ka kërkuar që ti jepet fund kësaj problematike në merkaton e verës.
‘’ The Redsat ‘’ prej disa vitesh janë shkëputur nga trofetë dhe në sezonin e ri do të mundohen ta rikthejnë historinë në favorin e tyre edhe pse do të jetë shumë e vështirë për arsye se konkurrenca ndërmjet ekipeve në çdo kompeticion sa vjen edhe ashpërsohet.
Sipas ekspertit të merkatos Fabrizio Romano, anglezët janë përqëndruar tek Alexis Mac Allister, i cili është i ndërgjegjshëm se në ‘’ Anfield Road ‘’ mund të ketë më shumë benefite , si në aspektin sportiv ashtu edhe në atë ekonomik.
Negociatat janë të avancuara tashmë dhe pritet që në javët e ardhshme të ketë diçka konkrete në lidhje me të ardhmen e kampionit në fuqi të botës me Argjentinën.
Në Botërorin e Katarit 24 vjeçari rezultoi një ndër më të mirët e Lionel Scalonit dhe fakti se pretendohet nga një ndër ekipet më të famshëm në Angli dhe në Europë konfirmon se është një lojtar tejet cilësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
