Pas fitores tenistike me rezultatin 4-0 kundër Juventusit , Chelsea e ka rikthyer me shpejtësi kokën nga merkatoja duke konsideruar prioritet transferimin e Federico Chiesas .
Pavarësisht se problemet për Massimiliano Allegrin s’kanë të sosur, mund të mos ndalen në periudhën e transferimeve sepse ‘’ Blutë e Londrës ‘’ duan me çdo kusht perlën e torinezëve .
24 vjeçari vijon të befasojë dhe me kalimin e kohës është shëndërruar në një ndër sulmuesit në modë të Europës , për të cilin kryeqytetasit kanë hapur dyert e ‘’ Stamford Bridge ‘’ .
Roman Abramovich kërkon ti bëjë një dhuratë të çmuar Thomas Tuchelit , trainer i cili e meriton sepse ka bërë atë që paraardhësit e tij se kishin bërë për vite me rradhë .
Manjati rus ka përgatitur çekun 84 milionë eurosh për ishi-n e Fiorentinës sepse numrit një të stolit i duhen variante cilësore për ti aplikuar në momente të vështira ,aq më tepër duke patur parasysh se mesfushori Christian Pulisic është drejt largimit dhe duhet një zëvëndësues ideal për amerikanin .
Kërkesa e llogarisë tek britanikët është një ndër më të lartat , aq më tepër pas fitimit të Champions Leagues për herë të dytë në histori me një trainer që theu çdo parashikim të mundshëm pas një eksperience të suksesshme tek ‘’ Verdhezinjtë ‘’ e Borussa Dortmundit .
Situata aktuale e Juventusit interpretohet si shumë e çuditshme sepse humbje të kësaj natyre ka pësuar në sezonin e largët 2003-2004 në ‘’ Olimpico ‘’ kundër Romës dhe Massimiliano Allegri është i ndërgjegjshëm se rikthimi në kohët e arta domosdoshmërisht ka nevojë për qëndrimin e yjeve në ‘’ Allianz Stadium ‘’ , fakt që për Chelsean thekson një vështirësi më vete pavarësisht momentit të mrekullueshëm në të cilin ndodhet .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
