Shkupi vazhdon të shkëlqejë në kampionatin maqedonas edhe pas javës së 10-të, teksa ditën e sotme kanë regjistruar fitoren e radhës. Bardheblutë mposhtën minimalisht Tikves në transferë, falë golit të shënuar nga Rwatubyaye në minutën e 30-të.
Fitore ka korrur edh Renova që mposhti 2-0 Pelisterin, ndërsa Struga u ndal në barazim 1-1 ndaj Borec.
Shkëndija zhgënjeu ndaj Akademija Pandev, teksa u mposhtën me përmbysje. Kuqezinjtë nga Tetova kaluan të parët në avantazh me Doriev në minutën e 17-të, por Akademija Pandev përmbysi gjithçka në pjesën e dytë, falë golave të Mirchevski në minutat 77 dhe 86.
Përsa i përket renditjes, pas javës së 10-të, kryeson Shkupi me 23 pikë, i ndjekur nga Renova me 21 pikë dhe Akademija Pandev e treta me 18 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
