Opsionet për Kanten

 E ardhmja e paqartë e N’Golo Kantes tek Chelsea i ka shërbyer Arsenalit dhe Tottenhamit, të cilat do të zhvillojnë një tjetër derbi londinez.

Francezi akoma nuk e ka rinovuar kontratën me kryeqytetasit dhe sipas ‘ Footmercato ‘ , ‘’ Topchinjtë ‘’ dhe ‘’ Gjelat e Londrës ‘’ konsiderohen opsione shumë interesante për vijimësinë e 31 vjeçarit.

Antonio Conte sigurisht me të mbërritur në ‘’ White Hart Lane ‘’ e ka shëndërruar Tottenhamin në një rival të denjë në Premier League dhe Champions League , trainer që menjëherë e tregoi potencialin duke i kualifikuar për në kompeticionin më prestigjoz europian.

E kaluara tek Chelsea mendohet një avantazh për arsye se numri një i stolit i njeh me detaje cilësitë e N’Golo Kantes dhe nuk përjashtohet ribashkimi tek ‘’ The Whites ‘’.

Nga krahu tjetër, Mikel Arteta prej kohësh po kërkon një mesfushor cilësor dhe me eksperiencën e akumuluar ndër vite, ishi i Leicester City-t konsiderohet perfekt për këtë pozicion.

Sigurisht do të jetë një rivalitet shumë i ashpër deri në fund por aktualiteti favorizon paksa Tottenham Hotspurin për arsye të pjesëmarrjes në Champions League , kompeticion në të cilin N’Golo Kante ka një eksperiencë të gjatë.