Paris St Germain e ka shtuar vrullin në lidhje me ndërtimin e një skuadre kompetitive për më tej . Objektivat e Mauricio Pochettinos nuk pushojnë dhe këtë herë sipas portalit The Athletic synon mesfushorin Tomas Soucek. Lojtari nga Republika Ceke po tregon një nivel të shkëlqyer me West Ham United që aktualisht është një ndër konkurrentët më të fortë të Premier Leagues. Me rendimentin konstant i ka dhënë shumë variante trainerit David Moyes dhe ka rezultuar efikas . Vlera aktuale e kartonit të 26 vjecarit arrin 40 milionë eurot , shumë që konsiderohet aspak problematike nga drejtuesit e kryeqytetasve .
Gjithsesi në kampin e ‘’ Les Pariziens ‘’ ashtu siç dihet prioritetet tashmë janë të deklaruara sepse presidenti Nasser Al Khelaifi po lufton me çdo mjet për rinovimet e Neymar Junior dhe Kylian Mbappe që do ti shërbëjnë kampionëve në fuqi të Ligue 1 për të mos e dëmtuar mbarëvjajtjen e deritanishme ku vijojnë luftën edhe në Champions League dhe do të përballen në dy gjysëmfinale me Manchester City-n. Ideja e Mauricio Pochettinos është vijimi i investimit të pandalur për të pasuruar organikën dhe Paris St Germain e ka treguar se nuk dorëzohet lehtë . Fakti që nuk ka nevojë për koment është se nëse Paris St Germain do të arrijë ngritjen e trofeut do të ishte qershia mbi tortë dhe plotësimi i një ëndërre që do ti krijonte shansin për të shkruajtur emrin në librin e artë të fituesve .
Në lidhje me Thomas Soucek sezoni vijon të ketë një impakt pozitiv sepse ka veshur fanellën e ‘’ The Hammers ‘’ në 36 ndeshje , ka shënuar 9 gola dhe ka asistuar 1 herë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
