Fitorja e dy medaljeve të arta olimpike në Lojërat olimpike “Tokio 2020”, nga dy xhudistet nga Kosova, është vlerësuar nga të gjithë për punën dhe përkushtimin e këtyre sportisteve.
Ambasada amerikane në Prishtinë ka përgëzuar xhudisten Nora Gjakova për medaljen e artë njëherit të tretën në historinë e Kosovës.
Përmes një postimi të ambasadës të shoqëruar me fotografinë e Majlinda Kelmendit, Distria Krasniqit dhe Nora Gjakovës ka shkruar se fitorja e Norës i ka demonstruar botës çfarë ata e dijnë, se gratë kosovare janë të forta dhe të vendosura.
“Urime Nora Gjakova, kampionia e tretë olimpike e medaljes së artë për Kosovën. Sikur Majlinda dhe Distria para saj, fitorja e Norës i demonstron botës çfarë ne veç e dijmë: Gratë kosovare janë të forta, të vendosura dhe të padorëzuara – gati për të udhëhequr shtetin e tyre drejt madhështisë”, ka shkruar ambasada amerikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
