Zinedine Zidane me shumë mundësi nuk do të jetë më trajneri i Real Madrid dhe në fund të këtij sezoni pritet që ai të largohet nga pankina madrilène.
Drejtuesit e “Los Blancos” do të respektojnë vendimin e teknikut francez dhe sipas mediave iberike ata janë duke menduar për një zëvendësues të mundshëm.
Sipas të përditshmes spanjolle, AS, në listën e presidentit Florentino Perez janë tre trajnerë.
I pari në listë është trajneri argjentinas i Tottenham Hotspur, Mauricio Pochettino, i cili prej katër vitesh po drejton me shumë sukses ekipin anglez.
Në listë mbetet dhe trajneri i Kombëtares gjermane, Joachim Loë, që pas përfundimit të Kupës së Botës do të ishte i lirë.
Ndërsa alternative e tretë është trajneri i Liverpoolit, Jurgen Klopp, i cili ishte në radarin e spanjollëve prej një kohe të gjatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
