Pas emrave si Kylian Mbappe dhe Erling Haaland , Real Madridi nuk ka të ngopur dhe ka rindezur motorrët për Robert Lewandovskin . Polaku prej shumë kohësh ndiqet nga ‘’ Galaktikët ‘’ por rezistenca e Bayern Munchen ka bërë që të qëndrojë në ‘’ Allianz Arena ‘’. Sipas As me këtë opsion kryeqytetasit e kanë asin nën mëngë në rast se do të dështojnë për transferimin e Erling Haaland në ‘’ Santiago Bernabeu ‘’ , operacion me një shkallë të lartë vështirësie për shkak të rëndësisë së nordikut tek Borussia Dortmundi .
Kontrata e golashënuesit me bavarezët mbetet në fuqi deri në 30 qershorin e 2023-shit por i ka kërkuar drejtuesve të Bayern Munchen t’ia hapin rrugën për fillimin e një tjetër eksperience në kontinentin e vjetër . Opsioni më konkret mbetet Real Madridi por s’duhet harruar as Chelsea , skuadër që prej kohësh e konsideron si një kandidat potencial për ofensivën .
Sulmuesi 33 vjeçar pavarësisht se është drejt varjes së këpucëve në gozhdë nuk ka të ndalur me produktivitetin i cili i ka dhënë privilegjin për tu pozicionuar ndër më të mirët në qarkullim , fakt që nuk i ka është anashkaluar nga skuadrat respektive . Me statistikat e arritura emri i tij mbetet një kërcënim real për çdo kundërshtar dhe deri më tani i ka bërë shkëlqyeshëm detyrat , me 7 gola në 4 ndeshjet e para me kampionët e Bundesligës .
Transferimi i mundshëm tek gjigandët e Ligas është një siguri për shënimin e golave sepse do ti afrojnë ‘’ Los Blancos ‘’ me objektivat e vëna ndër të cilat prioriteti absolut është fitimi i Champions League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
