Me një karrierë të pasur dhe të suksesshme , për Arturo Vidal vijojnë pas dere ekipe potente . Kiliani ka kaluar eksperienca në ekipe me peshë si Bayern Munchen , Barcelona , Juventusi dhe së fundmi Interi dhe natyrisht ky fakt nuk mund të anashkalohet .
Drejt varjes së këpucëve në gozhdë , 34 vjeçari vijon të fitojë pikë sepse është Tottenhami që ka ndezur motorrët për ta transferuar në Londër . Arturo Vidal konsiderohet një mesfushor shumë i sakrifikuar dhe ky element e ka shoqëruar përgjatë karrierës.
‘’ Gjelat e Londrës ‘’ tanimë me Antonio Conten në stol janë në një fazë revolucioni dhe traineri nga Lecce kërkon ti shtojë cilësi mesfushës me ish nxënësin e tij me të cilin shijoi fitimin Scudettos .
Idetë e qarta kanë rezultuar një aleat i pandarë i 52 vjeçarit duke i shkuar çdo projekti deri në fund pavarësisht rezultateve dhe ky fakt ia ka forcuar karakterin dhe e ka shëndërruar në një ndër më të mirët në botë.
Metrat e fundit të karrierës sigurisht janë një etapë tepër e rëndësishme për çdo lojtar dhe Arturo Vidalit i ka trokitur përsëri në derë një trainer që diti ti shfrytëzojë vlerat e mrekullueshme të ‘’ Gladiatorit ‘’ duke i kurorëzuar zikaltërit me titullin e 19 në Calcio.
Pa dyshim që kjo pistë nëse do të marrë dritën jeshile do të rezultonte ndër më pikantet e merkatos vijuese , tek një skuadër që aspiron për trofe kolektivë , rrugë e cila bëhet më e mundshme me rikthimin e Antonio Contes në Londër , kësaj here në ‘’ White Hart Lane ‘’.
Arturo Vidal është shquar gjithmonë për faktin e të qënit shumë luftarak dhe interesi i ‘’ Spursave ‘’ konsiderohet mëse llogjik për një lojtar që ka zhvilluar një karrierë për tu duartrokitur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
