Shitja e Milanit tek kompania kineze Sino-Europe është kthyher në një telenovela dhe kjo gjë ka mërzitur tifozët e 7 herë kampionëve të Evropës. Sipas mediave italiane marrëveshja për shitjen e “Kuqezinjve” tek kinezët rrezikon të mos realizohet.
Sipas asaj që raporton “Sky Sport”, orët në vazhdim do të jenë vendimtare për fatin e pronësisë së “Djallit” dhe jo vetëm në fushën e lojës, ku përballet në orën 21:00 me Romën, por edhe jashtë saj.
Ora 17:00 e datës 12, sipas burimeve të “Sky” ishtë afati i fundit për kompaninë kineze për të derdhur në arkat e Fininvest këstin e dytë, që është një shumë prej 100 milionë eurosh.
Derdhja nuk ka ndodhur dhe “Sky” thotë se grupi Fininvest i ka dhënë afat edhe 24 orë të tjera kinezëve dhe në rast se kjo derdhje nuk ndodh brenda këtij afati, shitja e aksioneve të Milanit mund të anulohet.
Kjo mund të jetë edhe një lojë e presidentit Berlusconi, pasi duke parë ecurinë e skuadrës dhe renditjen në kampionat mund të ndryshoj mendim. Por kjo gjë duhet pare në ditët në vijim sa serize është kjo ofertë dhe kjo shitje e Milanit.
Por nuk duhet të arojmë se çdo vonesë ndikon negativisht në skuadër, duke parë që shumë shpejt vjen edhe merkato dimërore dhe skuadrat do mendojnë të përforcohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
