Fuqizimi i ofensivës është shëndërruar në një ndër prioritetet e Atletico Madridit për merkaton e ardhshme . Pas nigerianit Paul Onuachu listës së gjatë të ‘’ Los Colchoneros ‘’ i është bashkuar sulmuesi i Ajaxit Sebastien Haller . Francezi ka demostruar shumë kualitet me hollandezët dhe ky fakt nuk i ka shpëtuar as Bayern Munchen dhe Borussia Dortmundit .
10 gola në 11 ndeshje nuk janë anashkaluar nga i famshmi Diego Simeone i cili do të ketë një barrë të rëndë mbi shpinë sepse do ti duhet të mbrojë titullin e fituar në La Liga dhe gjithashtu të realizojë ëndërrën që i ka mbetur peng e cila lidhet me fitimin e Champions Leagues.
Pavarësisht rikthimit të Antoine Griezmann në ‘’ Wanda Metropolitano ‘’ , ofensiva e kryeqytetasve kërkon një shtysë më tepër për të arritur aty ku duhet për arsye se mbështetet vetëm tek Luis Suarez si sulmues pykë .
Ideja e ‘’ Rojiblancos ‘’ është gjetja e një profili të ngjashëm dhe sulmuesi i Ajax Amsterdamit preferohet shumë nga ky trainer që ka shkruar historinë me Atletico Madridin dhe e ka pozicionuar në rangun e skuadrave më të famshme të globit.
Kjo panoramë thekson se kemi të bëjmë me një lojtar kualitativ i cili për më tepër ka shënuar një rekord me Ajax Amsterdamin , skuadër që konsiderohet ndër më të njohurat e Eredivisies dhe më gjerë .
Interesi i spanjollëve dhe gjermanëve i imponon një analizë të detajuar sulmuesit me qëllimin e zgjedhjes së duhur që do ti shërbejë për ta pasuruar karrierën e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
