Liverpooli ka hedhur një hap shumë të rëndësishëm drejt të ardhmes . ‘’ The Redsat ‘’ kanë finalizuar një çështje thelbësore duke rinovuar kontratën e mbrojtësit Virgil Van Dijk deri në 30 qershorin e 2025- sës . Mungesa një vjeçare për shkak dëmtimi i ka shërbyer për të reflektuar drejtuesve të anglezëve dhe më pas kanë vendosur për të besuar përsëri në aftësitë e hollandezit për arsye se mbetet një element i domosdoshëm për Jurgen Klopp .
Gjatë ndeshjeve parasezonale 30 vjeçari ka filluar të rikuperojë versionin më të mirë në mënyrë që të jetë në gatishmëri për gjermanin në fillimin e Premier Leagues ku Liverpooli do të përballet me Norwich City-n në transfertë .
Transferimi nga Southampton në ‘’ Anfield Road ‘’ në merkaton dimerore të 2017- tës kundrejt 85 milionë eurove mund të thuhet se është justifikuar plotësisht nga Virgil Van Dijk i cili ka ditur të bindë Jurgen Klopp-in dhe është shëndërruar në një ndër mbrojtësit më të mirë jo vetëm në Premier League por edhe në mbarë globin .
Tashmë ishi i Borussia Dortmundit do të jetë i qetë sepse Virgil Van Dijk është një garanci absolute për prapavijën në funksion të sukseseve në të ardhmen , ndër të cilat është pa dyshim rikthimi në majën e Europës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
