Opsionet për Di Marian

 Fundi i këtij sezoni do të jetë mbyllja e kapitullit me Juventusin nga Angel Di Maria .

Argjentinasi po përjeton një moment të mrekullueshëm pasi do të luajë një tjetër finale me ‘’ Albicelestët ‘’ , me synimin realizimit të ëndrrës që në fillimet e karrierës.

  ‘’ El Fideo ‘’ e ka zhvilluar karrierën në kontinentin e vjetër , me disa nga klubet më të rëndësishëm si Real Madridi, Manchester United , Paris St Germain dhe së fundmi tek ‘’ Zonja e Vjetër ‘’. 

Me shumë gjasa 34 vjeçari do të jetë pjesë e Rosario Central , ekipit të tij të zemrës , aty ku hodhi hapat e parë drejt shëndërrimit të një ndër mesfushorëve më të mirë në qarkullim .

Gjithsesi argjentinasit nuk janë i vetmi opsion sepse Angel Di Maria pretendohet edhe në Major League Soccer dhe gjithashtu ekzistojnë disa ekipe në Europë , të cilat akoma vijojnë të besojnë në aftësitë e kampionit në fuqi të Kupës së Amerikës.

Kështu që merkatoja e ardhshme do të jetë mjaft e rëndësishme për të përcaktuar të ardhmen e tij por sigurisht theksi në këto momente vihet tek finalja e Botërorit të Katarit dhe ditën e sotme dy herë kampionët e botës do të njihen me rivalin e tyre,  fituesin e ndeshjes ndërmjet Francës dhe Marokut.