Finalja e madhe për titullin kampion në futbollin e vajzave, do të jetë mes Vllaznisë dhe Apolonisë.
Pas shkodraneve, që kaluan Partizanin me rezultatin e përgjithshëm 10-0, finalen e siguroi edhe skuadra fierake.
Apolonia triumfoi 2-0 në shtëpi ndaj Tiranës, në sfidën e kthimit në gjysmëfinalen e “Final Four”.
Ndeshja e parë në kryeqytet, u mbyll në barazim 1-1 dhe fieraket prenë biletën për finale, aty ku do të përballen me një kundërshtar shumë të vështirë si Vllaznia.
Finalja e madhe që do të përcaktojë edhe kampionen e këtij edicioni do të luhet më 13 maj në “Shtëpinë e Futbollit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
