Katër sezonet në ‘’ King Power Stadium ‘’ e kanë shëndërruar në një domosdoshmëri për Leicesterin Youri Tielemansin . Niveli i belgut ka ardhur në rritje dhe me kalimin e kohës është konsideruar ndër më të mirët e Premier Leagues .
Ish kampionët e saj pritet të hasin vështirësi sepse pas Manchester City-t , Real Madridi i është vënë pas 24 vjeçarit dhe Florentino Perezi kërkon t’ia plotësojë dëshirën Carlo Ancelottit , trainer që pas kualifikimit historik kundër Paris St Germain konsiderohet një hero në ‘’ Santiago Bernabeu ‘’.
Sipas ‘ Transfermarkt ‘, talenti belg vlerësohet me 55 milionë euro por flitet se mund të pësojë ulje deri në 45-50 milionë dhe fakti se kontrata me ‘’ The Foxes ‘’ është në metrat e fundit , anglezët mund ti japin ‘’ Ok ‘’ largimit të Youri Tielemans , për të cilin para disa sezonesh pretendonin 100 milionë euro.
Revolucioni që po përgatisin ‘’ Galaktikët ‘’ është shumë inspirues , me anë të cilit do të pretendohet sërish fitimi i Champions Leagues.
Me Luka Modric dhe Toni Kross drejt fundit të karrierës, opsionet e ‘’ Los Blancos ‘’ normalisht do të vinë duke u shtuar sepse kroati dhe gjermani janë pjesë e sukseseve të së kaluarës tek të cilat u afruan me ndihmën e Zinedine Zidane që do të mbetet i paharruar në memorien e këtij klubi.
Youri Tielemans e ka arritur nivelin për përfaqësimin e një ekipi me famë dhe nëse do të jenë ‘’ Los Merengues ‘’ aq më mirë për të pasi forma e të besuarve të Carlo Ancelottit është e jashtëzakonshme dhe ndërpreu ëndërrën disa vjeçare të Paris St Germain për fitimin e Champions Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
