Klubi i Tiranës ka zyrtarizuar marrëveshjen për blerjen e sulmuesit të Shqipërisë, Taulant Seferi.
Futbollisti 24-vjeçar u bashkua me bardheblutë në merkaton e janarit, duke ardhur në huazim nga zviceranët e Young Boys. Pas përfundimit të sezonit, drejtuesit e Tiranës kanë arritur një marrëveshje me homologët e tyre zviceranë, për ta blerë përfundimisht sulmuesin.
Seferi kështu do të jetë pjesë e kryeqytetasve për sezonin e ardhshëm, me bardheblutë që do të kenë synim titullin kampion. Nga transferimi i tij në janar, Seferi ka zhvilluar me Tiranën 23 ndeshje, ku ka shënuar 7 gola dhe ka dhënë 4 asiste.
"Klubi i Futbollit Tirana njofton zyrtarizimin e parë të sezonit 2021/2022. Lojtari Taulant Seferi i huazuar në 6 mujorin e fundit të sezonit që lamë pas nga skuadra zvicerane Young Boys tashmë do të jetë përfundimisht pjesë e jona edhe për 3 sezonet e ardhshme. Pas negociatave intensive me klubin YB, palët kanë arritur dakordësinë për të transferuar kartonin e lojtarit. 25-vjeçari do të mbajë veshur fanellën bardheblu duke përforcuar skuadrën në repartin e sulmit. I urojmë suksese në këtë rrugëtim.", thuhet në komunikatën e klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
