Trajneri Ergys Luga, komentoi paraqitjet e skuadrave në Botërorin që sapo u mbyll, ku triumfoi Argjentina.
Në emisionin “SportZone” në MCN TV, Luga u shpreh se përgjumja e argjentinasve në pjesën e dytë të finales ndaj Francës, u rrezikoi atyre trofeun e Botërorit.
Në Botëror më pëlqeu Arabia Saudite deri diku, me një linjë të lartë të mbrojtjes. Koreja ishte një skuadër e kujdesshme taktikisht. Sa i përket finales, më pëlqeu reagimi i Argjentinës në pjesën e parë, bënë presion asfiksues, ndaj Francës. Ajo që mu duk negative, ishte përgjumja në pjesën e dytë, ku është një gabim i madh, që ekipi të përgjumet në finale.
Kjo vuri në dyshim fitimin e Botërorit. Rasti që lojtari me ngjyrë i Francës kishte në fund, mund t’i kishte hequr Botërorin argjentinasve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
