Dëmtimet janë kthyer në një problem serioz për Milanin në këtë sezon. Kuqezinjtë vuajtën shumë në ndeshjen me Chelsea në Angli, ku u mposhtën 3-0.
Pioli i kishte zgjedhjet të reduktuara në atë sfidë dhe kjo u pa qartë edhe në lojë. Italianët do të kërkojnë një rezultat pozitiv në ndeshjen e kthimit, por edhe këtë herë, problemet janë prezente te Milani.
“Dhallit” i është dëmtuar një tjetër lojtar. Bëhet fjalë për Charles De Kaetelaere, i cili ditën e sotme nuk është stërvitur me skuadrën. Belgu ka pësuar një tërheqje muskulore dhe nuk do të jetë i gatshëm për ndeshjen e nesërme.
Gjasat janë që fantazisti të rikthehet në fundjavë, për sfidën që Milani do të luajë ndaj Hellas Verona në kampionat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
