Futbollisti i Shqipërisë, Nedim Bajrami ka gjetur sërish golin në Serie A në Itali. Fantazisti ka shënuar në fitoren që Empoli mori ndaj Bolognas me rezultatin 4-2. Në minutën e 53-të Bajrami u tregua i saktë nga pika e bardhë e penalltisë, duke e ndalur topin në fundin e rrjetës. Me këtë fitore, Empoli ngjitet në vendin e 7-të me 9 pikë, ndërsa Bologna zbret në vendin e 10-të me 8 pikë.
Sassuolo mposhti minimalisht Salernitanën, falë goli të shënuar nga Domenico Berardi në minutën e 54-t. Me të njëjtin rezultat triumfoi edhe Fiorentina ndaj Udinese në transfertë, teksa golin e vetëm të takimit e shënoi Dusan Vlahovic në minutën e 16-të me penallti.
Ndërkohë më herët, Juventusi mposhti me vështirësi Sampdorian me rezultatin 3-2, duke regjistruar kështu fitoren e dytë radhazi në kampionat, pas asaj ndaj Spezias.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
