Rikuperimi i versionit më të mirë në fushë mendohej se do ti parashtronte rrugën Osumane Dembeles me Barcelonën por interesi i fundit me siguri i ka krijuar një dhimbje kokë drejtuesve të spanjollëve . Sipas ‘’ Sport ‘’ francezi ka lënë të hapur çështjen e rinovimit me katalansit sepse në luftë për sulmuesin nga Vermon janë hedhur katër gjigandë të Europës . Pavarësisht se ka rikuperuar buzëqeshjen në 3-5-2 shin e formuluar nga Ronald Koeman duhet të analizojë me seriozitet ofertat e Parisit , Liverpoolit , Manchester United dhe Juventusit . Duke ditur që kontrata e 23 vjeçarit me ‘’ Blaugranët ‘’ skadon në 2022-shin kjo verë do të jetë një finale për drejtuesit përkatës për të mos mbetur me duar bosh në lidhje me sulmuesin e Francës .
Vlera paraprake e prishjes së kontrates së Ousmane Dembeles është 50 milionë euro por me kalimin e kohës mund të pësojë një rritje të konsiderueshme që varion nga 60-90 milionë euro. Problematikat e vazhdueshme të Barcelones në lidhje financiat ndoshta do të reduktohen me shitjen e mundshme të Ousmane Dembeles edhe pse vlerësohet maksimalisht nga traineri hollandez. Në lidhje me pretendentët kryefjala e Adn së tyre është suksesi në çdo kompeticion .
Klasifikimin e kryeson Parisi . Mauricio Pochettino e cilëson Osumane Dembelen si zëvëndësuesin e Kylian Mbappes e ardhmja e të cilit është lidhur ngusht me kalimin në ‘’ Santiago Bernabeu ‘’. 23 vjeçari përputhet siç duhet me skemat e argjentinasit dhe karakteristikat e lojës janë pak a shumë të njëjta me bashkombasin e tij .
Së dyti për Liverpoolin mund të thuhet se transferimi i ishit të Borussia Dormtundit në ‘’ Anfield Road ‘’ do ti jepte një tjetër ngjyrë lojës së ‘’ The Redsave ‘’ dhe do ti plotësonte kërkesat e Jurgen Klopp në rast largimi të Mohamed Salah ose Sadio Manes .
Pas tyre renditet Manchester United . Me peripecitë e shpeshta nxënësit e tij i kanë dhënë për të kuptuar Ole Gunnar Solskjaerit se duhet të kërkojë me çdo kusht një sulmues rrace për të lënë pas dështimet e të kaluarës. Preferenca e norvegjezit pa dyshim ishte Jadon Sancho por mosarritja e akordit me Borussia Dormundin i ka dhënë shansin për të zgjedhur Osumane Dembelen .
Për një lojtar të kalibrit të tillë nuk kishte si të mbetej jashtë as Juventusi . Sipas ‘’ Calciomercatos ‘’ bardhezinjtë vijojnë të respektojnë ideologjinë e përhershme të realizimit të operacionit në fjalë me klauzolën e huazimit një vjeçar dhe më pas në bazë të avancimit të lojtarit nga Vermon të marrin vendimin e duhur . Statistikat prej 38 ndeshjesh dhe 10 golash e kanë eklipsuar figurën e Ousmane Dembeles pavarësisht se Barcelona është në një proçes rindërtimi dhe duhet pak kohë për ta marrë veten .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
