Shpëtim Duro do të jetë trajneri i Strugës në Maqedoninë e Veriut.
Pak ditë pas largimit nga drejtimi i Egnatias, Duro rikthehet të drejtojë një tjetër skuadër.
Mësohet se 63-vjeçari ka arritur marrëveshjen me drejtuesit e Strugës dhe të mërkurën do të udhëtojë drejt Maqedonisë së Veriut, për të firmosur kontratën.
Struga e nisi mjaft mirë sezonin duke pasur një ecuri mbresëlënëse në fazën e parë. Por në javët e fundit skuadra ka pësuar rënie të lirë, duke barazuar në tri ndeshje radhazi.
Fitorja e parë për vitin 2023 nuk ka ardhur ende dhe klubi lajmëroi në mbrëmjen e së hënës largimin e trajnerit Srgjan Zaharieski.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
