Data 5 shtator ishte dita e fundit e merkatos për klubet shqiptare. Nuk kanë munguar edhe lëvizjet e bujshme në fundin e merkatos.
Partizani ka bërë një goditje të madhe, teksa ka firmosur me mesfushorin e Kombëtares, Ergys Kaçe. Klubi i kuq ka njoftuar arritjen e marrëveshjes me futbollistin 28-vjeçar, me të cilin kanë firmosur kontratë për një vit me mundësi rinovimi edhe për një vit tjetër.
Një lëvizje e bujshme kjo për Partizanin, por mund të quhet edhe si goditja më e madhe për klubet shqiptare në këtë merkato vere.
Ndërkohë edhe Kukësi ka bërë një transferim në fundin e merkatos. Verilindorët kanë zyrtarizuar firmën me mesfushorin serb Luka Milunovic, duke i bërë kështu edhe dhuratën e fundit trajnerit Longo.
28-vjeçari më parë është aktivizuar edhe me fanellat e Debrecen, Aris Selanik, Partizan i Beogradit, Zulte, Melah, Sabah Vozdovac dhe së fundmi ishte pjesë edhe e Napredak në kampionatin serb të futbollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
