Helio Neto mund t’i kthehet sërish futbollit. Skuadra braziliane Chapecoense humbi pothuajse të gjithë futbollistët pas rrëzimit të avionit me të cilin ata po udhëtonin drejt Kolumbisë disa ditë më parë.
Zampier Neto është një ndër të mbijetuarit e këtij aksidenti tragjik. Sipas “BBC” ai është nënshtruar disa ndërhyrjeve kirurgjikale dhe gjendja e tij është drejt përmirësimit.
Madje në një postim në facebook babai i tij ka shkruar: “Biri im është duke u përmirësuar nga dita në ditë. Ai sapo është operuar në gju dhe mjekët thonë se ai mund t’i kthehet futbollit. Ne do të vazhdojmë të lutemi për të pasi që jemi duke pritur derisa të dalë nga spitali për ta parë nga afër gjendjen e tij”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
