Problemet e Arsenalit kanë filluar të reduktohen sidomos pas hapit të hedhur . ‘’ Topchinjtë ‘’ janë shumë afër firmosjes me mbrojtësin e Brighton Ben White , zyrtarizimi i të cilit konsiderohet çështje orësh . Sezoni i lënë pas konsiderohet ndër më të dështuarit e historisë së kryeqytetasve të cilët s’mundën të siguronin një vend në kupat e Europës . Ky fakt i ka shërbyer Mikel Artetas për të vënë pikat mbi i dhe e ka filluar planifikimin e sezonit të ri me riparimin e prapavijës .
Sipas gazetarit të njohur italian Fabrizio Di Romano , Arsenali ka derdhur në arkat e modestëve të Brighton 59 milionë euro , blerje që klasifikohet ndër më të shtrenjtat në historinë e tyre pas Pierre Emerick Aubameyang dhe Alexandre Lacazzete . Për vite me rradhë reparti defensiv është cilësuar si ndër më problematikët tek londinezët të cilët shpresojnë që transferimi i anglezit në ‘’ Emirates ‘’ të jetë një ogur i mirë për ato të rradhës tek 13 herë kampionët e Premier Leagues.
Vlerat nga të cilat karakterizohet janë impresionuese sepse mund ti shërbejë ‘’ The Gunnersave ‘’ në disa pozicione , fakt që e konverton në një komponent tepër tërheqës. Duke patur parasysh se gjithmonë ka qenë një pretendent shumë i fortë në Angli dhe Europë , besohet se Arsenali do të bëjë shumë shpejt kthesën e ëndërruar ku pa dyshim objektivi kryesor është rikthimi në Uefa Champions League .
Pavarësisht sezonit për tu harruar , Ben Whiten e pret një e ardhme e ndritur sepse Arsenali historikisht është mbajtur mend si një rival i ashpër në çdo kompeticion edhe pse ka rrëshqitur disi në vitet e fundit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
