Ekstremi Lorenzo Insigne akoma nuk e ka gjetur gjuhën e përbashkët me Napolin për qëndrimin në ‘’ Diego Armando Maradona ‘’. Kjo situatë është duke i dhënë më tepër kredite të ardhmes larg bardhekaltërve dhe sipas ‘ Calciomercatos ‘ Interi nuk mendon ta humbë këtë mundësi .
Zikaltërit prej shumë kohësh luftojnë për italiani por i duhet të mposhtin Juventusin dhe Milanin për 30 vjeçarin. Agjenti i tij po bën të pamundurën për ta zgjidhur të ardhmen e yllit të Napolit dhe drejtoi sportiv i Interit Beppe Marotta po i shqyrton të gjitha opsionet për ta transferuar Lorenzo Insignen në ‘’ Giusseppe Meazza ‘’.
Fitimi i Scudettos e ka forcuar mundësinë për firmosjen me lojtarë të rëndësishëm dhe diferencat e shpeshta ndërmjet tij dhe drejtuesve të ‘’ Il Partenopei ‘’ nëse i referohemi pagës po e zbehin ndjeshëm qëndrimin tek Napoli.
Pretendimet e ‘’ Lorenzinhos ‘’ janë barriera më e madhe për Interin sepse kërkon 5 milionë euro në sezon duke përfshirë këtu komisionin për agjentin e tij që do ta çonte në 7 milionë euro , shifër që për arkat e italianëve konsiderohet e papërballueshme .
Ky operacion do të ishte një ndër më pikantët e Serisë A sepse flitet për një lojtar që ka lënë gjurmë prej shumë vitesh duke shkëlqyer në Itali dhe Europë. Sezoni për nxënësin e Luciano Spallettit vijon rrugëtimin e duhur dhe kontributi i dhënë është kanalizuar në 10 ndeshje, 2 gola dhe 2 asiste .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
