Leicester feston me Andrea Bocellin dhe shampanjë titullin kampion
Leicester City ka festuar dje fitimin e titullit kampion të “Premier Leagues” pas fitores që arriti brënda në shtëpi kundër Evertonit me rezultatin 3-1.
Një festë madhështore u bë në stadiumin “Dhelprave” ku pjesë e festimeve ishte dhe këngëtari i njohur italian, Andrea Bocelli që performoi live përpara tifozave të Leicesterit, që e kishin mbushur “King Power Stadium” plot e përplot.
Më pas festa kaloi në konferencën për shtyp, ku Klaudio Ranieri po jepte intervistën. Teknikut italian iu desh të ndërpriste intervistën përpara gazetarëve pasi futbollistët e skuadrës së tij i bënë një dush të ftohtë me shampanjë.
Një triumf histork ky për Leicesterin që arriti për herë të parë në histori të fitojë kampionatin anglez, duke dhuruar emocione spektakolare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
