Manchester United dhe Real Madridi janë dy ndër ekipet që po vuajnë shumë në aspektin e stolit. Ralf Rangnick dhe Carlo Ancelotti nuk po japin rezultatet e menduara dhe po përgatitet një duel shumë i ashpër për Mauricio Pochettinon .
Argjentinasi është në fije të perit tek Paris St Germain dhe me shumë gjasa do të largohet nga ‘’ Parque de Prince ‘’ në fundin e sezonit.
Ishi i Tottenhamit është një dëshirë e vjetër e ‘’ Djajëve të Kuq ‘’ që çuditërisht nuk ka bindur në menaxhimin e ‘’ Les Pariziens ‘’ të cilët kanë ndërtuar një skuadër yjesh .
Projekti i Nasser Al Khelaifit natyrisht ka nevojë për një tjetër lider dhe pista Zinedine Zidane s’po i shqitet nga mendja miliarderit nga Katari .
Faktikisht 49 vjeçari asnjëherë nuk e ka mohuar dëshirën për drejtimin e njërës nga këto dy skuadra dhe ndoshta fundi i sezonit do të jetë nisja e një aventure të re, sigurisht duke qenë i lidhur ngusht me elitën sepse e meriton pas gjurmëve të lëna tek ‘’ Gjelat e Londrës ‘’.
Mungesa e titujve konsiderohet një problematikë të cilës i nevojitet një zgjidhje e menjëhershme por fillimisht do të zhvillohet një duel titanësh për trainerin nga Santa Fe .
Gjithsesi kuq e blutë vijojnë të entuziazmuar , fakt që e kanë fuqizuar investimet e Al Khelaifit dhe ky sezon në veçanti konsiderohet ideali për të thyer akullin me fitimin e Champions Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
