Largimi i Pierre Emerick Aubameyang i ka shtuar dhimbjet e kokës për Mikel Artetan i cili do të humbasë edhe Alexandre Lacazetten në fundin e sezonit që do të prodhojë një situatë shumë kritike për Arsenalin .
‘’ Topchinjtë ‘’ ëndërrojnë kthesën në Premier League dhe Europë por fati nuk po i shoqëron në këtë etapë shumë të rëndësishme për të ardhmen e tyre.
Drejtuesit e ‘’ The Gunners ‘’ kanë preferuar të ndalen në Scudetto , tek ish kampioni i saj për 9 vite . Alvaro Morata është në cilësinë e të huazuarit tek Juventusi të paktën deri në 30 qershor dhe kartoni i tij i përket Atleticos .
Sipas ‘ As ‘ , Arsenali ka ofruar 30 milionë euro për shërbimet e golashënuesit, një shifër të cilës Atletico Madridi mund ti japë ‘’ Ok ‘’.
Nëse rikthehemi prapa në kohë , 29 vjeçari ka theksuar se dëshiron qëndrimin në ‘’ Allianz Stadium ‘’ por duke qenë se Premier League është një etapë që i prodhoi kënaqësi në të kaluarën me ‘’ Blutë e Londrës ‘’, nuk e shmang rikthimin , kësaj here tek rivalët direktë të tyre.
‘’ Zonja e Vjetër ‘’ nga një anë preferon qëndrimin e madrilenit në Torino , por në tjetrën kurrsesi nuk mund ti arrijë pretendimet e ‘’ Los Colchoneros ‘’ dhe maksimumi që mund të bëjnë është pagesa e 20 milionë eurove duke i dhënë përparësi 13 herë kampionëve të Premier Leagues për tu përforcuar me një lojtar me shumë kualitet, njëkohësisht sulmues shumë i rrezikshëm.
Arsenali synon vazhdimësinë por akoma nuk e ka marrë veten nga dy goditje të forta siç janë fillimisht largimi i sulmuesit gabonez dhe ai i ishi-t të Lyonit , me shumë gjasa në fundin e këtij sezoni.
Në Torino pritet që të akordohet qëndrimi i Alvaro Moratas edhe më gjatë por duhet bërë kujdes sepse londinezët mund të befasojnë në momentet e fundit dhe ta vënë në dispozicion të bashkombasit të tij.
Qëndrimi jashtë Europës për disa vite ka shërbyer si reflektim për Arsenalin , skuadër që i ka rindezur motorrët me shpresën për tu përfaqesuar në Champions League në sezonin vijues , kompeticion që para shumë vitesh as që e llogariste por së fundmi ka mbetur në hije për shkak të terrenit të fituar nga rivalët në Premier League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
