Me Romelu Lukakun të larguar dhe mundësinë e Lautaro Martinez për t’iu bashkuar Tottenham Hotspurit , Interi është vënë në lëvizje për të gjetur lojtarët e përshtatshëm. Zikaltërit nuk kanë shkuar larg Italisë dhe janë fokusuar tek Andrea Belotti i cili vjen nga një sukses historik me kombëtaren ‘’ Azurre ‘’. Specialistët e shumtë konsiderojnë se merkatoja aktuale është një shans i artë për 27 vjeçarin për të ndërruar destinacion .
Pavarësisht se kampionët në fuqi të Scudettos janë përforcuar me një sulmues me shumë eksperiencë sidomos në Serinë A si Edin Dzeko , sipas ‘ Calciomercatos ‘ kërkojnë ta mbyllin përfundimisht çështjen e repartit të avancuar me golashënuesin e Torinos .
Në të kaluarën emri i Andrea Belottit u lidh ngushtë edhe me Manchester United dhe Atletico Madridin por kërkesat e larta të torinezëve e bënë të pamundur dëshirën e ‘’ Djajëve të Kuq ‘’ dhe ‘’ Los Colchoneros ‘’. Tashmë gjërat duket se kanë ndryshuar sepse të besuarit e Simone Inzaghit do ta fillojnë sezonin me etiketën e kampionit , fakt që ndoshta do ta favorizojë kalimin e Andrea Belottit në ‘’ Giusseppe Meazza ‘’ .
Kapaciteti i ishi-t të Palermos mbetet i padiskutueshëm dhe sigurisht fitimi i kampionatit e rrit përgjegjësinë e Interit për të dhënë maksimumin në sezonin vijues në të cilin do ti duhet të luftojnë për mbrojtjen e titullit të 19- të dhe gjithashtu në Uefa Champions League . Duke iu referuar këtij turneu kalimi tek Interi do ti jepte shansin për të provuar ndjesinë e pjesëmarrjes me një skuadër që mban mbi supe një eksperiencë të madhe pavarësisht se vitet e fundit nuk ka shkëlqyer aq sa duhet .
Ylli i skuadrës ‘’ Granata ‘’ e finalizoi sezonin me 13 gola në 36 ndeshje por gjithçka mbetet e hapur në lidhje këtë operacion .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
