Triumf minimal në “play off”, Albpetrol vazhdon garën për ngjitjen në Kategorinë e Dytë

Albpetroli fitoi finalen e “play off”-it ndaj Eagles në Kategorinë e Tretë dhe do të vazhdojë luftën për tu ngjitur në të Dytën.

Sukses i rëndësishëm për skuadrën nga Patosi, që vazhdon garën për objektivin e madh të këtij sezoni.

Një gol i shënuar nga Xhoxhaj në minutën e 6-të, i dha fitoren Albpetrolit, që pret të mësojë kundërshtarin e radhës.

Eagles do të luajë në Kategorinë e Tretë për sezonin e ardhshëm, ndërsa Albpetrol, do të ndeshet me humbësin e çiftit të “Play-out”-it të Kategorisë së Dytë midis Albanëve dhe Maliqit.

Skuadra që kualifikohet në përballjen e radhës, do të luajë sezonin e ardhshëm në Kategorinë e Dytë.

Finalja: Albpetrol-Albanët/Maliqi