Ronald Koeman u shkarkua nga drejtimi i Barcelonës mbrëmjen e djeshme, pas humbjes minimale ndaj Rayo Vallecano.
Drejtuesit katalanas kanë nisur nga puna për të gjetur zëvendësuesin e holandezit, i cili me shumë mundësi do të jetë ish-lojtari i kësaj skuadre, Xavi Hernandez.
Ky i fundit sipas mediave spanjolle është shumë afër Barcelonës dhe në ditët e ardhshme pritet të vijë edhe zyrtarizimi.
Deri sa gjithçka të mbyllet me Xavin, Barcelona ka emruar një trajner të përkohshëm. Bëhet fjalë për Sergi Barjuan, i cili do të jetë në stolin e skuadrës katalanase, deri sa të zyrtarizohet trajneri i ri.
Barjuan aktualisht është trajner te Barcelona B, por për pak kohë do të jetë edhe në krye të ekipit të parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
