Mungesa e akordit për rinovimin e kontratës me Raphael Varane-n i ka bërë drejtuesit e Real Madridit që të mendojnë një tjetër alternativë për repartin e mbrojtjes .
Duhet theksuar se francezi do të jetë në dispozicionin e bashkombasit Zinedine Zidane deri në 30 qershorin e 2022-shit por ecuria tij nuk e ka dhënë efektin e pritur .
Ky problem i shtohet atij të kapitenit Sergio Ramos për të cilin situata mbetet e pandryshuar në lidhje me vazhdimësinë në ‘’ Santiago Bernabeu ‘’ dhe tashmë i mbetet në dorë drejtuesve të ‘’ Los Merengues ‘’ për ti dhënë fund kësaj eksperience të hidhur .
Në horizont është shfaqur emri i Jules Kounde i cili po zhvillon një sezon për tu mbajtur mend në rradhët e Sevillas . E kaluara i ka demostruar spanjollëve se nuk duhet të heqin dorë pavarësisht se negociatat me andaluzët përfunduan me sukses .
Nën urdhërat e Julen Lopeteguit 22 vjeçari ka krijuar identitetin e tij në mbrojtjen e Sevillas dhe ky fakt është shumë i qartë në kampin e kryeqytetasve . Megjithatë edhe pse mbetet një gur i çmuar i mbrojtjes së tyre , milionat dhe njëkohësisht emri i Real Madridit parashikohet se mund të jenë arsye të mjaftueshme për të hapur një faqe të re në karrierë dhe të bëhet pjesë e një ndër skuadrave më të famshme të planetit .
Një element që mbetet i qartë dhe i pakthyeshëm është se 34 herë kampionët e Primera Division nuk mund të humbin më kohë për të konkretizuar operacionet me lojtarët e pëlqyer sepse do të startonin në kundrakohë sezonin vijues dhe në njëfarë mënyre do të përsërisnin gabimet e aktualit . Jules Kounde vazhdon të lërë shenjë në mbrojtjen e Sevillas dhe progresin e tij e ka shoqëruar me 39 prezenca dhe 3 gola , fakte që jo vetëm e bëjnë prezencën në 11-shen e ‘’ Los Blanquirrojos ‘’ të domosdoshme por e konsiderojnë si një ndër më të mirët në këtë pozicion .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
