Ana e djathtë e mbrojtjes konsiderohet ndër pozicionet më të dobëta tek Real Madridi . Spanjolli Dani Carvajal nuk është një garanci absolute për shkak të dëmtimeve të njëpasnjëshme që në të shumtat e rasteve e kanë mbajtur nën vëzhgimin e mjekëve sesa brenda fushës .
Kësaj problematike i është shtuar edhe huazimi i Alvaro Odriozolës tek Fiorentina duke krijuar praktikisht një kolpas tek ‘’ Galaktikët ‘’.
Por duke njohur potencialin dhe urinë e pakufijshme të tyre për sukses , traineri Carlo Ancelotti ka përgatitur planin b .
Flitet për anësorin e Chelseat Reece James i cili ka ditur të adaptohet shumë shpejt tek londinezët me të cilët triumfoi sezonin e kaluar duke fituar Champions Leaguen dhe gjatë kësaj periudhe mbajti veshur bluzën e ‘’ Bluve të Londres ‘’ për 3500 minuta.
Aktualiteti nuk konsiderohet shumë entuziazmues për anglezin për shkak se Thomas Tuchel ka preferuar spanjollin Cesar Azpilicueta duke e anashkaluar nga 11- shja e formuar .
Gjithsesi talentin britanik e presin sfida shumë interesante dhe hyrja në luftë e ‘’ Los Blancos ‘’ i jep shanse për të shpresuar se gjithçka do shkojë mbarë .
Për 21 vjeçarin do të ishte një sukses shumë i madh nëse do të transferohej në ‘’ Santiago Bernabeu ‘’ dhe 368 minutat e vakëta që përkthehen në 7 ndeshje dhe 1 gol provokojnë largimin e tij nga ‘’ Stamford Bridge ‘’ .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
