Skënderbeu i rikthye te fitorja në kampionat, teksa mposhti Apoloninë më rezultatin 4-1, në ndeshjen e vlefshme për javën e 21 në Kategorinë e Parë.
Një fitore pa shumë vështirësi për korçarët, që ishin dominues gjatë gjithë takimit, duke mos i vënë në rrezik 3 pikët.
Golat për Skënderbeun u shënuan nga Prenci në minutën e 32-të, Abdul Temitope në minutën e 47-të, Sumaila në minutën e 57-të dhe Liço në minutat e fundit, ndërsa për Apoloninë golin e vetëm e shënoi Umeijiego në minutën e 72-të.
Duhet theksuar se korçarëve iu anuluan edhe dy gola të tjerë për pozicion jashtë loje, ndërsa kishin raste të shumta shënimi, por pasaktësia e sulmuesve dhe pritjet e portierit Harizaj, bënë që rezultati të mbetej në 4-1.
Me këtë fitore, Skënderbeu shkëputet në krye të renditjes me 41 pikë, 4 pikë më shumë se Dinamo e vendit të dytë, ndërsa Apolonia mban vendin e 7-të me 28 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
